Botol baruh katil.......

Kala kita meda tau ke ngasai maia anak kawan ke bisi kahwin,maioh macam ai bisa ke di pansut?. Keda nya botol arak ke enda kala dipeda,bisi udah nyau enda ulih di bacha label bai ke pengelama udah di simpan & taruh baroh katil enggau ba cabinet ti baka enggi sida Indai Yok,endang meruan di kunchi enggai ke di ambi tikus.
Maia kami ke rami melah pinang malam ari enam tu tadi, tak manah-manah enggau benama label botol arak ke dibantai apai-indai pengantin lelaki. Peda aku ukai entu botol ke di lalai ke sida baroh katil,munyi ko sida Indai Hon. Tak baru-baru gamal botol..baka sida Otard,Jim Beam,Jack Daniels,Green Label enggau sida Blue label. Ngagai bala ke rindu ngirup Label 5,sorry lah..nadai ayan botol nya malam nya. Nya meh pengaga bala apai-indai ke ngerami anak ke melah pinang,bekikis bulu betis.
Maia ke ngumpul botol nya nyau betaun-taun tang maia ke ngirup ( maioh agi di ayah) tak sekelip mata peda bala tukang nyibur arak nyau gari kemi palau udah di pangkong botol. Kumbai enda nemu nganu.