Sinu ati ninga....

...bala ke ka pulai ngagai rumah panjai/menua sebana utai mar.
Aku enggau laki aku baru pulai ari Servay supermarket ke beseberai enggau Grand Palace Hotel. Benung laki aku bebayar ke utai deka bai iya pulai ke Samu,iya sempat ngerandau tudah endu cashier dia. "Nyeh,nyu abis duit bebeli ke utai tu." ko laki aku. "Bedau nya..ni ai agi ka di beli." ko tudah endu cashier nya. Tuchum enggau sinu aku ninga iya ke nyebut nya..laban iya ngasai kediri. It is safe to say,engka tak maioh bala kitai Iban ke ka ngintu gawai,pulai ke rumah panjai & menua bisi nyebut utai ke baka tu.
Aku ngasai enti kami pulai ke Samu,beminggu-minggu sigi udah mupok meli sida arak,nyangkong sebotol dua ke bala ipar. Dah nya,seminggu bedau mupok kereta mesti di servicing..ti naka ke servicing bisi ga datai RM200/-+ tang ti bisi jai,nyu ngadu itu ini..bebeli ke tyre ngambi ke kereta road worthy. Minyak kereta pulai mansang bisi meda RM250/- lebih ti suah agi ke pasar Betong makai mee ke 'best in the world" ko laki aku. Tak enda nyamai sepi aku tang laki aku tak 2 mangkuk mee ba pasar Betong nya abis di empa iya..engka baka aku ka endar makai mee Atak Lutong. Pama diri ga belanja gawai sepi aku..lebih agi diatu laban ke enda tan driving,kami selalu agi nepan bilun ke Kuching..ari Kuching nepan kereta bala ke bisi pulai ke Samu. Tahu sama tahu...lah. Datai di menua,bebeli ke itu ini,nyau ga duit..pulai Gawai,nyau ga duit. Duit magang2. Ujung bulan begisai begantung senduk.
Aroh bala penyanyi kitai Iban enti belagu lagu Gawai selalu mai lagu tusah ati ngenang ka begawai. ha..ha. Agi suba iya,enti kitai ninga ke pesan gawai ba radio,sinu ninga bala ke madah diri enda ulih pulai laban nadai belanja. Sinu ati aku....Oh Allah Taala,dinga meh sebana bala ke ka pulai gawai ba dini dini endor sida iya..dalam nama anak nuan Tuhan Jesu,kami besampi.