Ngumpul buah epal di NZ

Gambar ke bisi di bantai ba magazine siti di NZ featuring sekeda bala indu kitai Iban ke bisi gawa din taun nyin suba.

Gambar ke bisi peda kita ditu di ambi aku ari magazine & photo album kaban aku.

Towkay ladang enggau anak iya begambar enggau kaban aku.

Kaban aku tu alu tebeli ke kereta din. kaban aku gawa grading buah epal ba factory. Pengawa tu enda berat baka ke ngumpul buah epal.

Quarters alai bala urang ke ngumpul apples diau.

Kaban aku 2 iko begambar enggau urang putih ke empu ladang alai seduai iya gawa.

Kaban aku begambar ba ladang buah epal.

Tu gaya ngumpul buah epal. Penuh nya lagi alu simpan ba kotak kayu ke bisi peda kitai nya.

Minggu nyin suba aku bisi nemuai ngagai rumah kaban aku. Randau punya randau nyau besebut & nanya berita iya ke bisi 2 kali udah belelang gawa ke NZ nyadi coolie ngumpul buah epal. Taun 2008, asai ke 4 bulan iya enggau kaban siko da agi nurun ngumpul epal. Bisi ga gaji ulih tudah tuai ti tan gawa enggau rajin...tang punggung asai ke putus ko iya ngangkat ke kotak buah epal.

Kedua kali iya kin,pengawa iya lempong agi laban iya diasoh grading buah epal..nadai be-angkat berat..semina grade epal ngagai kotak ke patut alai iya. Bisi meh urang ke alai iya gawa suba ngasuh sida iya nurun baru alu ka ngaga visa/work permit ngambi sida enda di tan ke urang ba airport alu ulih gawa tang kaban aku enggai agi nurun. Pedis diri ga pengawa nya enggau nyau enda betah lama ninggal ke laki & anak,ko iya.

Tang enda semua bala ke bisi kin mujur pejalai sida iya kin ti nadai proper work permit/visa. Bisi kaban aku siko suba di tikal ke immigration NZ pulai iya..ukai sekali aja..2 kali iya di tikal pulai..semina meda airport. Ukai sebut pengerugi tudah tuai..pama diri tambang bilun ke NZ.

Berita ke pasal bala ke kaya raya ngumpul buah epal kin, nadai munyi nya, ko kaban ku.

Cukup makai..bisi ga di kirum pulai mimit, ko kaban aku...tambah mega ulih ga meda menua sida ribai. Enti enda ngumpul buah epal engka tak bebaka ga raun ke NZ except for some.

Au, aku bedau ke NZ...nadai endar tulang dianjung ngumpul buah epal. Manah menua NZ ko urang tang aku laban ke enda kala kin,enda nemu aroh utai din,tak enda berapa gagit baka aku gagit ke London,ko kitai. Nya meh cerita aku bai aku lemai tu.

undecided...

jam diatu udah pukul 6.30 lemai. Aku bedau temu kini ke penunga aku lagi..ngagai rumah Doris laban iya mai beserumpu makai tau ke ngagai Dewan Suarah laban DJ Mary Bajang pan bisi mai meda Malam Lagu Tebilang Iban . Laban aku ke blogger kononnya,kira ke bisi aku blog pasal malam tu lagi. Duduk di depan nuan lagi wai,ko iya,ambi nuan ulih ngambi gambar.
Kedua-dua nya tusah ka di tolak,munyi ko jako urang diatu.

Stall No.7,TamanSelera aka Brighton Beach

Stall No. 7

Tom Yum Fish

Satay

Midin belachan

Deep fried chicken wings

Tu tempat selalu alai kami menyana makai maia weekend. Ini Aaron recommended kami makai kia. Rega pemakai berpatutan..enda ngemar ke ba tempat bukai. Tau nguji kia maia bulan begantung senduk tau ke ngelusu baka aku.